बुटवलमा सम्पन्न सातौ संस्करणको इन्फोटेकमा विद्यार्थीहरुले बनाएका विभिन्न आकर्षक प्रविधिहरु देख्न सकिन्थ्यो । ओपन टेक कम्पिटिशन अन्तर्गत विभिन्न १२ प्रोजेक्टहरुको प्रतिस्प्रधा गराइएको थियो ।
यसैक्रममा लुम्बिनी इन्जिनियरिङ कलेजका विद्यार्थीहरुले बनाएको अल्कोहल चिन्ने प्रविधिमा धेरैको चासो रहेको पाइयो ।
प्रभात ज्ञवाली र उनको समुहले १२ दिनमा तयार पारेको उक्त प्रविधि मार्फत ड्राइभरले अल्कोहल प्रयोग गरेको पाइएमा मोटरसाइकल आफै बन्द हुन्छ । हेल्मेटमा राखिएको सेन्सर प्रविधि र मोटरसाइकलको ह्याण्डलमा इन्जिनसँग कनेक्सन गराइएको छ ।
यदि ड्राइभरले अल्कोहलको प्रयोग गरेको भए इन्जिन चल्दैन र प्रयोग नगरेमा मात्र बाइक स्टार्ट हुन्छ । यसैगरी सेक्युरिटी गार्डको रुपमा प्रयोग गर्न सकिने रोबोटले पनि धेरेको मन जितेको थियो ।
